د پیسو د نړیوال صندوق اجرائیوي بورډ د یوې غونډې په اوږدو کې د افغانستان لپاره د کریډیټ د آسانتیاد غځونې د نوي پروګرام لومړنۍ ارزونه بریالۍ یاده کړه

Mpoya
چهارشنبه ۱۴۰۰/۳/۱۹ - ۱۳:۱۷
د پیسو د نړیوال صندوق اجرائیوي بورډ د یوې غونډې په اوږدو کې د افغانستان لپاره د کریډیټ د آسانتیاد غځونې د نوي پروګرام لومړنۍ ارزونه بریالۍ یاده کړه

۱۴۰۰ کال د غبرګولي ۱۹ مه – د پیسو نړیوال صندوق د یوې اعلامیې په خپرولو سره ویلي چې د دې صندوق د اجرائیوي بورډ د ګډو اقتصادي سمونونو (کریډیټ د آسانتیاد غځونې) تر پروګرام لاندې د افغانستان د کړنو او لاسته راوړنو لومړنۍ ارزونه تر سره کړې او د افغانستان کړنې یې تائید کړې دي. افغانستان یادې موخې ته د رسېدو لپاره د پیسو له نړیوال صندوق څخه ۱۴۹ میلیون امریکایي ډالر مرسته په بېړني توګه تر لاسه کوي.

د پیسو د نړیوال صندوق اجرائیوي مرستیال ښاغلي میتسو هیرو فروسوا چې د یادې غونډې رهبري یې کوله وویل، که څه هم افغانستان په امنیتي، سیاسياو د ټولشموله کرونا وبا د خپرېدو په برخه کې له ستونزو سره لاس او ګریوان ؤ، خو بیا هم د پیسو له نړیوال صندوق سره ګډو اقتصادي موخو ته د رسېدو په برخه کې ژمن پاتې شوی او چارې یې په ښه ډول مدیریت کړې دي.

ښاغلي فروسوا په داسې حال کې چې د افغانستان د اقتصادي سمونونو، د کرونا وبا له ناروغۍ څخه د را وتلو د غوره مدیریتاو مالي او بانکي نظام ستاینه کوله وویل، هیله ده چې افغانستان خپلې چارې پر همدې بنسټ پر مخ یوسي او خپل پولي سیاستونه بیا هم د کورنیو بیو د ټیکاو په رڼا کې طرح او تر سره کړي. نوموړي د هېواد د مالي او بانکي نظام ټیکاو او پیاوړتیا لپاره پر لا زیاتې څارنې ټینګار وکړ او د پیسو وینځلو او ترهګرۍ د تمویل پر وړاندې مبارزه یې حتمي وګڼله.

د افغانستان بانک سرپرست ښاغلی اجمل احمدي د پيسو د نړیوال صندوق له لوري په مالي او اقتصادي برخو کې د سمونونو له بریالۍ ارزونې د خوښۍ څرګندونې تر څنګ ژمنه وکړه چې د لوی اقتصاد د ټیکاو، د مالي او بانکي نظام د سمونونو، د اسعاري زیرمو د غوره مدیریت، د مالي جرمونو او د پیسو وینځلو او ترهګرۍ پر وړاندې

 د مبازې، اداري فساد د مخنیوي او خصوصي سکتور د پیاوړتیا لپاره به د دندو د رامنځته کولو په موخه او د هېواد د اقتصادي ودې لپاره تر بل هر وخت زیاتې هلې ځلې کوي.

https://www.imf.org/en/News/Articles/2021/06/07/pr21162-afghanistan-first-review-ecf-arrangement

وروستي خبرونه

پنجشنبه ۱۴۰۰/۳/۲۰ - ۱۲:۵۸
Background image

د افغانستان بانک 36 میلیونه امریکايي ډالره لیلاموي

1400 کال د غبرګولی 20 مه- د افغانستان بانک غواړي چې د 1400 کال د غبرګولی میاشتې په 22 نېټه د شنبې په ورځ د داوطلبۍ په اوږدوکې شاوخوا 36 میلیونه امریکايي ډالره د یوې ازادې او رڼې پروسې. . .

چهارشنبه ۱۴۰۰/۳/۱۹ - ۱۳:۱۷
Background image

د پیسو د نړیوال صندوق اجرائیوي بورډ د یوې غونډې په اوږدو کې د افغانستان لپاره د کریډیټ د آسانتیاد غځونې د نوي پروګرام لومړنۍ ارزونه بریالۍ یاده کړه

۱۴۰۰ کال د غبرګولي ۱۹ مه – د پیسو نړیوال صندوق د یوې اعلامیې په خپرولو سره ویلي چې د دې صندوق د اجرائیوي بورډ د ګډو اقتصادي سمونونو (کریډیټ د آسانتیاد غځونې) تر پروګرام لاندې د. . .

سه‌شنبه ۱۴۰۰/۳/۱۸ - ۱۵:۰
Background image

د افغانستان د مالي او بانکوالۍ انستیتوت (AIBF) د مدیره پلاوي غونډه

۱۴۰۰ کال د غبرګولي ۱۸ مه – د افغانستان بانک د سرپرست ښاغلي اجمل احمدي په مشرۍ چې په ورته وخت کې د افغانستان د مالي او بانکوالۍ د انستیتوت د بورډ رئیس هم دی د دې انستیتوت د بورډ غونډه. . .

بېرته خبرونه ته