د سوداګریزو بانکونو له استازو سره غونډه
۱۴۰۰ د لیندۍ ۲۷ مه – د افغانستان بانک د سرپرست ښاغلي حاجي ادریس په مشرۍ د سوداګریزو بانکونو له استازو سره غونډه جوړه شوه.
په دې غونډه کې د سوداګریزو بانکونو له استازو سره پر بېلابېلو بانکي موضوعګانو خبرې وشوې او د نظرونو تبادله تر سره شوه. دافغانستان بانک سرپرست رئیس د سوداګریزو بانکونو له استازو وغوښتل چې د خلکو لپاره غوره بانکي خدمتونه وړاندې کړي او ټینګار یې وکړ چې د مالي نظام د ټینګښت او اغیزناکتیا لپاره خپل ټول فعالیتونه د افغانستان بانک د قوانینو، مقرراتو او متحدالمالونو پر بنسټ برابر کړي.
د یادونې وړ ده چې په دې غونډه کې د افغانستان بانک لومړي مرستیال ښاغلي نوراحمد آغا هم ګډون کړی ؤ او د افغانستان بانک د سرپرست رئیس د خبرو پر تائید یې یادونه وکړه چې د افغانستان بانک د خپلو خلکو لپاره د غوره بانکي خدمتونو د وړاندې کولو لپاره ژمن دی.
