هېواد ته د بشري مرستو په لړۍ کې ۱۶ میلیونه امریکایي ډالر مرسته را ورسېده
۱۴۰۰ د لیندۍ ۱۱ مه- افغانستان ته د بشري مرستو په لړۍ کې د چهارشنبې پر ورځ د ۱۶ میلیونه امریکایي ډالرو نغدي مرسته د روان کال د لیندۍ د میاشتې پر لسمه نېټه کابل ته را ورسېده.
په هېواد کې له اړمنو خلکو سره د نغدو بشري مرستو د رسولو مسئولیت د افغانستان لپاره د ملګرو ملتونو د استازندویه دفتر یایونماپر غاړه لري.
افغانستان بانک چې د هېواد د بانکي نظام څارونکی او مرکزي بانک دی تېره ورځ یې د کابل له هوایي ډګره تر د افغانستان نړیوال بانک پورې د یادو نغدو پیسو د لېږد چارې تر سره کړې.
د افغانستان بانک هڅه کوي د بېلابېلو اصولي لارو په کارولو سره د فقر او بېوزلۍ مخه ونیسي او یو ځل بیا درنو هېوادوالو ته ډاډ ورکوي چې ډېر ژر به د هېواد بانکي نظام خپل عادي حالت ته را وګرځي.
