د مالیې وزارت د عوایدو او ګمرکونو له سیستمونو سره د بانکونو ترمنځ د اداینو د سیستم نښلیدل

Mpoya
سه‌شنبه ۱۳۹۹/۱۰/۲ - ۱۷:۳۳
د مالیې وزارت د عوایدو او ګمرکونو له سیستمونو سره د بانکونو ترمنځ د اداینو د سیستم نښلیدل

۱۳۹۹ د مرغومی ۲- د افغانستان بانک د اداینو په برخه کې د اړینو اسانتیاوو او سمونونو د رامنځته کولو په دوام دا ځل د مالیې وزارت د عوایدو او ګمرکونو له سیستمونو سره د بانکونو ترمنځ د اداینو د سیستم د نښلولو په برخه کې اقدام کړی او عملي کار یې نن ورځ پیل شو.

د افغانستان بانک د بانکونو ترمنځ د اداینې د سیستم له لارې د دې اسانتیا په کارونې سره د دولت عواید د اسنادو له فزیکي طی مراحل پرته په بریښنایي توګه راټول او اجراء کیږي او ترڅنګ یې د ډاډ ترلاسه کولو په موخه پیغامونه او اجراء شوې معاملې په بریښنایي بڼه د مالیې وزارت سیستمونو ته استول کیږي.دا چاره به د ۱۴۰۰ مالي کال له لومړۍ نېټې څخه په کابل کې پیل او په تدریجې توګه به نورو ولایتونو ته وغځیږي.

د افغانستان بانک؛ دولت، مالي سکتور او درنو هېوادوالو ته د خدمتونو د وړاندې کولو لپاره ژمن دی او له همدې کبله یې تل هڅه کړې څو د نړیوالو منل شویو او غوره معیارونو پر بنسټ په هېواد کې بانکي خدمتونه وړاندې کړي. د افغانستان بانک دا ځل د اداینې د سیستمونو د عصري کولو د پروژې په پلې کولو سره په دې توانیدلی څو د کوچنیو اداینو په ګډون چې د صرافۍ د خپل کاره ماشینونو، POS ماشینونو، د موبایل له لارې اداینې او د بانکونو ترمنځ د لویو اداینو سیستم (ATS) له لارې د پیسو د ترلاسه کولو او لیږلو په موخه د اداینو د ورځنیو وسیلو په کارونې سره د خپلو دوو جلا سیستمونو له لارې د اداینې خدمتونو ته د لاسرسي زمینه برابره کړي.

د ګمرکونو او عوایدو له سیستمونو سره د بانکونو ترمنځ اداینو د سیستم نښلول ډېری ګټې لري چې له ځینو یې په لاندې توګه یادونه کوو:

  • د محصولاتو د فیس او ګمرکي مالیې په ورکړه کې اسانتیا او د پام وړ روڼتیا
  • له ګمرکونو څخه د توکو د ازادیدو د بهیر چټکوالی
  • له جغرافیایي محدودیتونو پرته د عوایدو د راټولولو د بهیر چټکوالی
  • د پیسو ورکوونکو او دولتي تعرفو لپاره د غوره بانکي خدمتونو د وړاندې کولو آسانتیا
  • په افغانستان کې د فزیکي پیسو د ګردښت او د نغدو پیسو د خرابیدو مخنیوي او د عملیاتي لګښتونو کموالی
  • د غیر نغدي اقتصاد د فرهنګ په دودیدو کې اغیزناک رول
  • د فزیکي پیسو د لیږد رالیږد د خطرونو کموالی
  • د سوداګریزو بانکونو ودې ته زمینه برابرول
  • د خلکو ترمنځ د بانکوالۍ د فرهنګ پراختیا او د بانکي خدمتونو د محصولاتو او ګټو سره د هغوی بلدتیا

آخرین اخبار

چهارشنبه ۱۴۰۴/۴/۱۸ - ۱۲:۴۳
Background image

تدویر بیست‌وسومین نشست سالانه بورد  خدمات مالی اسلامی، در شهر رباط  پایتخت  کشور مراکش

محترم نور احمد آغا سرپرست ریاست کُل د افغانستان بانک و هیئت همراه از تاریخ اول تا سوم ماه جولای سال روان میلادی در بیست‌وسومین نشست سالانه بورد خدمات مالی اسلامی در شهر رباط  پایتخت. . .

سه‌شنبه ۱۴۰۴/۴/۱۰ - ۱۶:۲
Background image

د افغانستان بانک 15 میلیون دالر امریکایی را لیلام میکند

5 محرم‌ الحرام 1447 - د افغانستان بانک الی مبلغ (15) میلیون دالر امریکایی را طی داوطلبی به روز چهار شنبه مؤرخ 6 محرم‌ الحرام 1447(1404/04/11) بطور لیلام بفروش می رساند. بدینوسیله از. . .

یکشنبه ۱۴۰۴/۴/۸ - ۱۷:۳۶
Background image

سرپرست ریاست‌ کُل د افغانستان بانک عازم مراکش شد

۳ محرم‌ الحرام ۱۴۴۷ هـ ق – محترم نور احمد آغا سرپرست ریاست‌ کُل د افغانستان بانک، در رأس یک هیئتی جهت اشتراک در کنفرانس سالانه خدمات مالی اسلامی، عازم کشور مراکش گردید.

این کنفرانس بین. . .

بازگشت به خبر