د صرافانو د یووالي شورا له غړو سره د افغانستان بانک د سرپرست لیدنه
۱۴۰۰ کال د چنګاښ ۲۱ مه – د افغانستان بانک سرپرست ښاغلي اجمل احمدي د صرافانو د شورا له مشرتابه سره ولیدل. په دې غونډه کې د صرافیو او پولي خدمتونو د وړاندې کوونکو د کړنو په اړه خبرې وشوې او د نظرونو تبادله تر سره شوه.
په هغه غونډه کې چې په دې اړه جوړه شوې وه، د افغانستان بانک سرپرست ښاغلي اجمل احمدي د صرافانو او پولي خدمتونو د وړاندې کوونکو د فعالیتونو په اړه خبرې وکړې او ویې ویل، د افغانستان بانک ژمن د چې د قانون او مقرراتو په رڼا کې د یاد سکتور د میکانیزه کولو لپاره اړینې آسانتیاوې رامنځته کړي.
په یاده غونډه کې د صرافانو د شورا رئیس ښاغلي الحاج امین جان خوستي د صرافانو او پولي خدمتونو د وړاندې کوونکو په استازولۍ خبرې وکړې او د دوی ستونزې او وړاندیزونه یې د افغانستان بانک له سرپرست سره شریک کړل.
د یادونې وړ ده چې د افغانستان بانک سرپرست ښاغلي اجمل احمديد غونډې په پای کې د افغانستان بانک د غیر بانکي څارنې آمریت ته دنده وسپارله چې د قانون او مقرراتو په رڼا کې له دوی سره د قانون په رڼا کې د دوی ستونزو او وړاندیزونو ته رسېدنه وکړي.
