افغانستان ته د ۴۰ میلیون ډالرو بشري مرستو بله کڅوړه را ورسېده
۱۴۴۴ شوال المکرم ۲۰ مه - افغانستان ته د ۴۰ میلیون ډالرو نغدې بشري مرستې کڅوړه را ورسېده او په کابل کې یو سوداګریز بانک ته و سپارل شوه. د افغانستان بانک د هر هغه اصولي اقدام چې هېواد ته د اسعارو د راتګ او د ټولنې له اړمنو کسانو سره د مرستې لامل کېږي، ستاینه کوي او دا بانک د بانکي سکتور د لا پیاوړتیا او ټینګښت په برخه کې خپلې هلې ځلې جاري ساتي.
د افغانستان بانک رهبري پر دې باور ده چې د بانکي سکتور له لارې د بشري مرستو برابرول روڼتیا راولي او خلکو ته د مرستو په رسولو کې اسانتیا رامنځته کوي.
