د افغانستان بانک سرپرست رئیس د چین له سفیر سره پر مالي او بانکي همکاریو خبرې وکړې

Mpoya
یکشنبه ۱۴۰۴/۳/۱۱ - ۱۴:۳
د افغانستان بانک سرپرست رئیس د چین له سفیر سره پر مالي او بانکي همکاریو خبرې وکړې

۱۴۴۶ ذوالحجة الحرام ۴ مه - د افغانستان بانک سرپرست رئیس ښاغلي نور احمد آغا، د چین هېواد له سفیر ښاغلي جاو شینګ سره په لیدنه کې، د دواړو هېوادونو ترمنځ د مالي او بانکي همکاریو پر پراخېدو خبرې وکړې.

په دې لیدنه کې، ښاغلي نور احمد آغا چین د افغانستان یو ښه او مهم ګاونډی یاد کړ او په اقتصادي برخو کې یې د دغه هېواد له همکاریو مننه وکړه. نوموړي وویل، چې د افغانستان بانک په تېرو نږدې څلورو کلونو کې توانېدلی چې له ګڼو نړیوالو مالي او بانکي بنسټونو سره مؤثرې اړیکې رامنځته کړي، او ژمن دی چې دا اړیکې لا پسې پیاوړې او پراخې کړي.

ښاغلي نور احمد آغا د خپلو خبرو پر دوام زیاته کړه، چې د افغانستان بانک هڅه کوي، ترڅو د مالي او بانکي سکتور په برخه کې تخنیکي همکارۍ زیاتې کړي، د پانګونې لپاره لا ډېر مناسب او خوندي چاپيریال برابر کړي، سوداګري آسانه کړي، د ظرفیت لوړونې او نورو اړوندو برخو کې عملي اقدامات تر سره کړي.

د ښاغلي نور احمد آغا په خبره دا ټولې هلې ځلې د دې لپاره تر سره کېږي چې په کور د ننه د پانګونې لپاره لا ډېره زمینه برابره شي، سوداګرو ته اړېنې آسانتیاوې برابرې شي، غوره مالي او بانکي خدمتونه وړاندې شي او د هېواد ټولو برخو ته دا خدمتونه ورسول شي.

باید وویل شي چې په دې لیدنه کې د چین هېواد سفیر ښاغلي جاو شینګ هم له خپله اړخه د لا زیاتو همکاریو ډاډ ورکړ او څرګنده یې کړه چې چین غواړي د افغانستان په اقتصادي رغونه کې خپل مثبت رول ولوبوي. نوموړي زیاته کړه چې د دواړو هېوادونو ترمنځ اړیکې باید د همکاریو پر بنسټ لا پسې پراخې شي.

د یادونې وړ ده چې په دې لیدنه کې د افغانستان بانک لومړي مرستیال ښاغلي صدیق‌الله خالد هم ګډون درلود او د اړوندو تخنیکي موضوعاتو په اړه یې د غونډې له ګډونوالو سره بحث او خبرې وکړې.

آخرین اخبار

چهارشنبه ۱۴۰۴/۶/۵ - ۱۷:۵۹
Background image

دیدار هیئت رهبری د افغانستان بانک با بنیانگذار بنیاد عزیزی

محترم نور احمد آغا رئیس کُل د افغانستان بانک و محترم صدیق الله خالد، معاون اول د افغانستان بانک با محترم میرویس عزیزی، بنیانگذار بنیاد عزیزی دیدار نموده و پیرامون توسعه هرچه بیشتر سکتور. . .

دوشنبه ۱۴۰۴/۶/۳ - ۱۴:۴۵
Background image

معاون اول د افغانستان بانک طی سفر رسمی به زون شرق، از نمایندگی های این زون دیدار نمود

محترم صدیق‌الله خالد معاون اول د افغانستان بانک که  در رأس هیئتی به زون شرق سفر نموده بود؛ از دفتر مرکزی زون شرق د افغانستان بانک ،نمایندگی شهری جلال‌آباد، نمایندگی گمرک، و نمایندگی‌های. . .

پنجشنبه ۱۴۰۴/۵/۳۰ - ۱۹:۲۳
Background image

میکانیزم تمویل پروژه‌های عام‌المنفعه از طریق بانک‌های تجارتی به امضا رسید

با حضورداشت معاون اقتصادی ریاست‌الوزراء، محترم الحاج ملا عبدالغنی برادر آخوند، میکانیزم تمویل پروژه‌های عام‌المنفعه از طریق مشارکت بانک‌های تجارتی میان د افغانستان بانک و وزارت محترم. . .

بازگشت به خبر