د سویل ختیځ زون د ولایتي چارواکو لخوا د ملي پیسو (افغانۍ) د لا دودیدو لپاره هڅې
د افغانستان بانک د سویل ختیځ زون مسئولین د ۱۳۹۸ مالي کال د افغانۍ پیسو د کارونې طرحې سره سم د افغانۍ دودیدو د بهیر په ترڅ کې دا ځل د پکتیا ولایت له ولایتی چارواکو او د هغه ولایت د ولایتي شوراګانو له مسئولینو سره لیدنه وکړه او د کورنيو راکړو او ورکړو پر مهال یې د ملي پیسو په تبلیغ او دودیدو او د هغه د ژر زړیدو د مخنیوي په هکله بحث او خبرې اترې وکړې. د دې غونډې په پیل کې د افغانستان بانک د سویل ختیځ زون مسئولین د افغانۍ د دودیدو د لړۍ او د هغې د ښو ساتلو په اړه لنډ معلومات وړاندې کړل او د پکتیا ولایت له چارواکو یې وغوښتل، څو اړوندو ادارو ته لارښوونه وکړي چې په دې ملي پروسه کې له د افغانستان بانک سره همکاري وکړي.
ورپسې د پکتیا ولایتي چارواکو او د معارف مسئولینو وویل چې د افغانۍ دودیدل زمونږ ملي مسئولیت دی او ژمنه یې وکړه چې په دې ملي پروسه کې به له د افغانستان بانک سره له هیڅ ډول همکارۍځان و نه سپموي.
