د عزیزي بانک د عملیاتي برخو د کارکوونکو لپاره د ورکشاپ جوړېدل

Mpoya
یکشنبه ۱۴۰۳/۶/۱۸ - ۱۵:۷
د عزیزي بانک د عملیاتي برخو د کارکوونکو لپاره د ورکشاپ جوړېدل

۱۴۴۶ ربیع الاول ۵ مه – د افغانستان بانک له لوري د عزیزي بانک د عملیاتي برخو د کارکوونکو لپاره د مستهلکینو د حقوقو او یو شمېر نورو اړوندو برخو په اړه روزنیز ورکشاپ جوړ شو.

د دې ورکشاپ په پیل کې د افغانستان بانک د ریاست د دفتر لوی آمر ښاغلي فدا محمد فیضان د بانکونو پر ارزښت خبرې وکړې او ویې ویل، چې بانکونه مالي خدمتونو ته د خلکو د لاسرسي په رامنځته کولو او د هېواد په اقتصادي وده کې مهم رول تر سره کوي، ځکه مالي خدمتونو ته د خلکو لاسرسی د دې سبب کېږي چې د خلکو لپاره په اقتصادي فعالیتونو کې د ونډې اخیستلو زمینه برابره شي او د لوی اقتصاد لکه د ټولیزې اقتصادي ودې، دندو رامنځته کولو، د عاید د نابرابرۍ د کمولو او په ټولنه کې د فقر د کچې کمولو د اهدافو په تر لاسه کولو کې مثبت رول تر سره کړي.

نوموړي زیاته کړه له پېرودونکو څخه ملاتړ، د اړینو بانکي آسانتیاوو رامنځته کول او مالي خدمتونو ته د خلکو لاسرسی د افغانستان بانک د کاري لومړیتوبونو څخه دي. مونږ له تاسو څخه غواړو چې دې هدف ته د رسېدو لپاره له مشتریانو سره په ورین تندي چلند وکړئ.

ښاغلي فدا محمد فیضان زیاته کړه، سالم رقابت او په بانکي محصولاتو کې د نوښتونو رامنځته کول، د بانکي خدمتونو ښه کول، د مشتریانو د معلوماتو د محرمیت ساتنه، د دوی ستونزو ته رسېدنه او مناسب چلند هغه اړتیاوې دي چې تاسو باید ورته پوره پاملرنه وکړئ.

د یادونې وړ ده چې په دې ورکشاپ کې د عزیزي بانک اجرائیوي مرستیال ښاغلي خان الله یوسفزي د افغانستان بانک له لوري د دې ډول ورکشاپونو له جوړولو مننه وکړه او دا ورکشاپونه یې ډېر ګټور یاد کړل، نوموړي د عزیزي بانک له کارکوونکو وغوښتل چې د قوانینو او مقرراتو په رڼا کې مشتریانو ته غوره بانکي خدمتونه وړاندې کړي.

وروستي خبرونه

چهارشنبه ۱۴۰۴/۵/۱ - ۱۷:۳۸
Background image

د افغانستان بانک د تېر کال مهمې لاسته راوړنې د رسنیز کنفرانس له لارې له ملت شره شریکې کړې

د ۱۴۴۷ کال د محرم الحرام ۲۷ مه -  د افغانستان بانک ملت ته د حساب ورکولو په موخه د حکومت د رسنیو په مرکز کې د امارتي ادارو د یو کلنو لاسته راوړنو د تشرېح پروګرام په ترڅ کې د افغانستان له. . .

دوشنبه ۱۴۰۴/۴/۳۰ - ۱۸:۱۹
Background image

د افغانستان بانک له مرکز، ختیځ او جنوب ختیځ زونونو څخه راټول شوي مندرس بانکنوټونه وسوځول

د ۱۴۴۷ کال د محرم الحرام ۲۵- د افغانستان بانک په راکړو ورکړو کې د آسانتیاوو رامنځته کولو په موخه د کړنلارې سره سم له مرکزي زون، جنوب ختیځ (ګردیز) او ختیځ (ننګرهار) زونونو څخه راټول شوي. . .

دوشنبه ۱۴۰۴/۴/۲۳ - ۱۰:۳۲
Background image

ګرانو هېوادوالو!

که چېرې خصوصي بانکونو ته د مراجعې پر مهال له کومې ستونزې سره مخ کیږئ، یا د بانک کارکوونکي له تاسې سره نامناسب چلند کوي او یا هم ستاسې حقونه د اصولو پربنسټ نه درکول کیږي، نو کولای شئ چې. . .

بېرته خبرونه ته