ګرانو هېوادوالو!
له دې لارې تاسو ته خبر درکول کېږي چې یو شمېر ناوړه ګټه اخیستونکي اشخاص د واتساپ له بېلابېلو شمېرو څخه په دې پلمه له تاسو څخه د ناپېژاندو اشخاصو بانکي حسابونو ته د پیسو د جمع کولو غوښتنه کوي چې ګواکې تاسو په قرعه کشۍ کې د یو سیټ موبایل (آیفون) یا لاټرۍ ګټونکي یاست. همداراز، په دې پیغامونو کې له تاسو څخه غواړي چې په آنلاین شرکتونو او آنلاین صرافیو کې د پانګونې او د مرستندویه کڅوړو د ترلاسه کولو د لګښت ورکولو په موخه د نامعلومو اشخاصو بانکي حسابونو ته پیسې واستوئ.
مهرباني وکړئ په هیڅ صورت دې ډول پیغامونو ته ځواب مه ورکوئ ځکه چې موخه یې له تاسو څخه په چل ول د پیسو ترلاسه کول دي. له دې پیغامونو سره د مخ کېدو په صورت کې سمدستي د هغو په هکله اړوندو ادارو ته راپور ورکړئ.
