د افغانستان بانک له سرپرست رئیس سره د یوناما د مشرې لیدنه
۱۴۴۵ ذوالحجة الحرام ۲ مه – د افغانستان بانک د ټولو سرپرست رئیس ښاغلي هدایت الله بدري د یوناما له مشرې آغلې روزا اوتونبایوا سره ولیدل او د مالي خدمتونو د پراختیا په اړه یې ور سره خبرې وکړې.
په دې غونډه کې د افغانستان بانک د ټولو سرپرست رئیس ښاغلي هدایت الله بدري یادونه وکړه چې د افغانستان بانک ژمن دی چې د هېواد ټولو برخو ته مالي خدمتونه ورسوي، ترڅو درانه هېوادوالو وکولای شي چې په آسانه ډول ارزانه او غوره کیفیت لرونکو مالي خدمتونو ته لاسرسی ولري.
ښاغلي بدري وویل د دې برخې د پیاوړتیا لپاره د هېواد اوسنیو شرایطو ته په پام سره مقرره جوړې شوې ده چې په پلي کېدو سره به یې خلک وکولای شي، په آسانه ډول کوچني پورونه تر لاسه کړي. د ښاغلي بدري په خبره کوچنیو پورونو ته د خلکو لاسرسی د بیوزلۍ کچه کموي او د ندو په رامنځته کولو کې مرسته کوي.
د یادونې وړ ده چې په دې غونډه کې آغلې روزا اوتونبایوا هم مالي خدمتونو ته د خلکو لاسرسی د ارزښت وړ یاد کړ او په دې برخه کې یې د همکارۍ ډاډ ورکړ.
باید وویل شي چې په دې غونډه کې د افغانستان بانک د بېلابېلو آمریتونو آمرینو او د یوناما له مشرې سره راغلي پلاوي هم ګډون درلود.
