د پیسو وینځلو او نورو مالي جرمونو سره د مبارزې په اړه د قوانینو رعایتولو د همغږۍ کمېټې غونډه جوړه شوه

Mpoya
سه‌شنبه ۱۴۰۲/۳/۳۰ - ۱۳:۵۷
د پیسو وینځلو او نورو مالي جرمونو سره د مبارزې په اړه د قوانینو رعایتولو د همغږۍ کمېټې غونډه جوړه شوه

د ملګرو ملتونو د امنیت شورا د اړوندو پرېکړه لیکونو د تطبیق،  د ګډو هڅو او متقابلو همکاریو د ښه والي، د قوانینو رعایتولو او د کمیټې د غړو د معلوماتو تازه کولو په تړاو د قوانینو رعایتولو د همغږۍ کمېټې نهمه غونډه جوړه شوه.

په دې ناسته کې د مالي معاملو او راپورونو د شننې مرکز لوی آمر ښاغلي جمال ناصر رووفي، چې د قوانینو رعایتولو د همغږۍ کمېټې د نهمې غونډې مشري یې کوله، د پیسو وینځلو او نورو مالي جرمونو سره د مبارزې په برخه کې پر مهمو موضوعاتو، یاد مرکز ته د بانکونو د راپور ورکوَنې پروسه کې د تخنیکي ستونزو او نیمګړتیاوو، د قانوني چوکاټ د تطبیق د موثریت د ښه والي او په غوره توګه د مالي اقداماتو ډلې (FATF) او د ارام سمندر ډلې (APG) د سپارښتنو پلي کولو په اړه خبرې وکړې او د کمیټې غړو څخه یې په غونډه کې د هغوی د ګډون په پار د مننې او قدردانۍ څرګندونه وکړه.

ښاغلي رووفي وويل چې د کمېټې د غونډو پايلې ډیر اهمیت لري او د کمېټې د غړو ترمنځ لازياتې همکارۍ او همغږۍ ته اړتيا ده، همدارنګه اړینه ده چې د کمیټې اعضا له يو بل سره هراړخيزه همکاري وکړي ترڅو اقتصادي او مالي سکتورونه او ولس د پیسو وینځلو، ترهګرۍ او نورو اقتصادي جرایمو د تمویل په څېر جرمونو څخه خوندي او له خطر څخه یې وساتل شي.

دغه راز د کميټې غړو د تېرو غونډو د لنډ راپور وړاندې کولو ترڅنګ په نورو مهمو موضوعاتو لکه د ملګرو ملتونو د امنیت شورا پریکړه لیکونو، د (AML/CFT) د قوانینو او مقرراتو موثر تطبیق، د پیرودونکي پیژندنې د فورمې نوي کولو او د ګمرکي اظهارنامې د ترلاسه کولو د مهال مودې په هکله خبرې اترې وکړې.

په پای کې د کمیټې غړو د افغانستان بانک د آمریتونو د معلوماتو غوښتنلیکونو ته پر وخت ځواب ویلو، د لویو نغدي معاملو لپاره د کافي حمایوي اسنادو ترلاسه کولو، د افغانستان بانک له لارښوونو سره سم په رالیږل شوو راپورونو کې د نیمګړتیاوو له منځه وړلو او د سوداګریزو بانکونو د قوانینو د رعایتولو او عملیاتي برخو ترمنځ د لا زیاتې همغږۍ پر پیاوړي کولو ټینګار وکړ.

د يادونې وړ ده چې دا غونډه په ۱۴۰۲/۰۳/۲۸ نېټه د افغانستان بانک په مرکزي دفتر کې جوړه شوې وه چې د بانکونو ټولنې رئيس، د مالي خطراتو او د قانون د رعایت آمریت مرستیال، د بانکي څارنې آمریت د پیسو وینځلو او د ترهګرۍ تمویل سره د مبارزې مدیریت غړي او د سوداګریزو بانکونو د قوانینو رعایتولو آمرینو پکې ګډون کړی وو.

وروستي خبرونه

شنبه ۱۴۰۵/۸/۱۶ - ۱۶:۱۴
Background image

د افغانستان بانک خبرتیا

ټولو درنو هېوادوالو، د بانکي سکتور مشتریانو او اړوندو ذینفعانو ته خبر ورکول کیږي چې په افغانستان کې د فعالیت لرونکي الفلاح بانک د افغانستان د څانګې مالکیت، د افغانستان بانک تر څارنې. . .

شنبه ۱۴۰۵/۸/۹ - ۱۱:۴۶
Background image

د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د معلوماتو شریکولو هوکړه‌لیک لاسلیک شو

د بانکي مشتریانو د هویت د تثبیت، د جعل او درغلۍ د مخنیوي او د بانکي خدمتونو د لا ښه وړاندې کولو په موخه، د افغانستان بانک او د احصایې او معلوماتو عمومي ادارې ترمنځ د الکترونیکي تذکرو د. . .

چهارشنبه ۱۴۰۵/۷/۸ - ۱۷:۱۴
Background image

د افغانستان بانک د عالي شورا غونډه ترسره شوه

د ۱۴۴۸ هـ.ق کال د ربیع الثاني ۱۷مه – د افغانستان بانک د عالي شورا غونډه د دې بانک د لومړي مرستیال، ښاغلي صدیق الله خالد، په مشرۍ چې په ورته وخت کې د افغانستان بانک د عالي شورا مرستیال. . .

بېرته خبرونه ته