خلکو ته د غوره بانکي خدمتونو پر وړاندې کولو د افغانستان بانک د لومړي مرستیال ټینګار
۱۴۴۵ ذوالحجة الحرام ۲۷ مه – د افغانستان بانک لومړي مرستیال ښاغلي نوراحمد آغا په کاپیسا ولایت کې د افغانستان بانک له نمایندګۍ لیدنه وکړه.
د افغانستان بانک لومړي مرستیال یاد ولایت ته د خپل سفر په لړ کې د افغانستان بانک او سوداګریزو بانکونو وضعیت له نږدې ولید او مسئولینو ته یې د خلکو لپاره د غوره خدمتونو پر وړاندې کولو ټینګار وکړ.
په دې لیدنه کې په کاپیسا ولایت کې د افغانستان بانک مسئولینو له ښاغلي نوراحمد آغا سره خپلې ستونزې او وړاندیزونه شریک کړل.
نوموړي په دې برخه کې د پوره همکارۍ ډاډ ورکړ او ویې ویل چې د افغانستان بانک د هېواد د مرکزي بانک په توګه ژمن دی، ترڅو د درنو هېوادوالو لپاره د هېواد په ټولو برخو کې د غوره بانکي خدمتونو د وړاندې کولو زمینه برابره کړي.
