د بشرپاله مرستو د ۳۲ میلیونه امریکایي ډالرو د کڅوړې را رسېدل
۱۴۴۳ شوال ۹ مه - افغانستان ته د بشري مرستو په لړ کې د ۳۲ میلیونه امریکایي ډالرو بله نغده مرسته را ورسېده او د هیواد یو سوداګریز بانک ته وسپارل شوه.
د افغانستان بانک هیواد ته له قانوني او اصولي لارو د اسعارو له راتګ هر کلی کوي او د نړیوالې ټولنې له مرستو د مننې ترڅنګ له دې ټولنې غواړي چې په نورو برخو کې هم له افغانستان سره تعامل او همکاري ولري.
د افغانستان بانک مشرتابه په دې باور دی چې د بانکي سکتور له لارې د بشرپاله مرستو تر سره کول روڼتیا رامنځته کوي او خلکو ته مرستو د رسولو په برخه کې آسانیتاوې رامنځته کوي.
