د افغانۍ د مختلف سریال لرونکو (دوه نمره یي) بانکنوټونو د تعویض په اړه د افغانستان بانک خبرتیا!
ټولو درنو هېوادوالو ته خبر ورکول کېږي چې د مختلف سریال لرونکي یا دوه نمره یي بانکنوټونه په دې شرط چې دواړه طرفونه یې اصلي وي او دوه سره نه وي په مندرس بانکنوټونو کې شامل دي. هغه درانه هېوادوال چې دا ډول بانکنوټونه ولري کولای شي چې د افغانستان بانک او یا هم د سوداګریزو بانکونو تر ټولو نږدې نمایندګۍ ته په ورتګ سره دا بانکنوټونه په سالم (د چلښت وړ) بانکنوټونو بدل کړي او یا یې خپلو حسابونو کې تحویل کړي. د یادونې وړ ده چې دا ډول بانکنوټونه له ۱۳۹۵ کال را وروسته په مندرسو بانکنوټونو کې نه حسابېدل او د چلښت وړ نه وو.
