د سره صلیب نړیوالې ټولنې له استازو سره غونډه
۱۴۰۰ کب ۱۹ مه – د افغانستان بانک له بانکونو څخه د څارنې لوی آمریت د آمر ښاغلي عبدالرحمن قانت پر مشرۍ د سره صلیب نړیوالې ټولنې له استازو سره غونډه جوړه شوه.
په یاده غونډه کې د افغانستان بانک له بانکونو څخه د څارنې آمر ښاغلي عبدالرحمن قانت خبرې وکړې او په افغانستان کې یې د نړیوال سره صلیب د کمېټې له مرستو او خدمتونو مننه وکړه. نوموړي زیاته کړه د افغانستان بانک هڅه کوي چې د نړیوالو مرستندویه بنسټونو لپاره په مالي او بانکي برخو کې پراخې آسانتیاوې رامنځته کړي.
باید وویل شي چې په دې غونډه کې د سره صلیب نړیوالې ټولنې مسئولینو په افغانستان کې د خپلو کړنو په اړه معلومات شریک کړل او په مالي او بانکي برخو کې یې د آسانتیاوو رامنځته کولو غوښتنه وکړه.
