د سوداګریزو بانکونو له استازو سره غونډه

Mpoya
شنبه ۱۴۰۰/۹/۶ - ۱۵:۴
د سوداګریزو بانکونو له استازو سره غونډه

۱۴۰۰ د لیندۍ ۶ مه – د افغانستان بانک د لومړي مرستیال ښاغلي نوراحمد آغا په مشرۍ د افغانستان د بانکونو ټولنې او سوداګریزو بانکونو له استازو سره غونډه جوړه شوه.

په دې غونډه کې د سوداګریزو بانکونو له استازو سره د پیسو پر لېږد، د مبادلې نرخ، نقدینګۍ، د پېرودنکو پر شکایتونو او یو شمېر نورو اړوندو بانکي موضوعګانې خبرې وشوې. د افغانستان بانک لومړي مرستیال ښاغلي نوراحمد آغا په یاده غونډه کې د سوداګریزو بانکونو له استازو وغوښتل چې د پېرودونکو لپاره د بانکي خدمتونو د وړاندې کولو په برخه کې د قوانینو او مقرراتو په رڼا کې اړینې آسانتیاوې رامنځته کړي.

په یاده غونډه کې د افغانستان د بانکونو د ټولنې او د سوداګریزو بانکونو استازو د ذکر شویو موضوعګانو په اړه خبرې وکړې او په دې برخه کې د نظرونو تبادله تر سره شوه. باید وویل شي چې د دې غونډې په لړ کې د افغانستان بانک د بانکي چارو د څارنې آمر ښاغلي عبدالرحمن قانت غرب زون ته د خپل سفر راپور او موندنې د غونډې له ګډونوالو سره شریک کړل او د سوداګریزو بانکونو استازو ته یې په بانکي برخه کې د ستونزو د حل په موخه اړینې لارښوونې وکړې.

د یادونې وړ ده چې په یاده غونډه کې د افغانستان بانک لومړي مرستیال سربېره د دې بانک دویم مرستیال ښاغلي مولوي عبدالقدیر احمد، د افغانستان د بانکونو د ټولنې مشرتابه پلاوي او د سوداګزیزو بانکونو استازو  په حضوري او آنلاین ډول ګډون کړی وو.

وروستي خبرونه

پنجشنبه ۱۴۰۰/۱۰/۲۳ - ۱۳:۳۰
Background image

د صرافۍ د اتومات ماشینونو (ATM) څخه ګټه اخیستنه عملاً پیل کېږي

د افغانستان بانک د افغانستان د بانکونو له ټولنې او سوداګریزو بانکونو سره د غونډو پر تعقیب دا دي د سوداګریزو بانکونو لپاره داسې متحدالمال صادر کړی دی چې پر بنسټ به یې سوداګریز بانکونه په. . .

دوشنبه ۱۴۰۰/۱۰/۲۰ - ۱۵:۲۴
Background image

د بشري مرستو په لړۍ کې ۳۲ میلیونه امریکایي ډالر مرسته نن کابل ته را ورسېده

۱۴۰۰ د مرغومي۲۰ مه-  افغانستان ته د بشري مرستو په لړ کې د ۳۲ میلیونه امریکایي ډالرو نغدي مرسته نن کابل ته را ورسېده.

د افغانستان بانک چې د هېواد د بانکي نظام څارونکی او مرکزي بانک دی د. . .

شنبه ۱۴۰۰/۱۰/۱۸ - ۱۵:۲۰
Background image

مالي خدمتونو ته د خلکو د لا زیات لاسرسي په اړه غونډه

۱۴۰۰ د مرغومي ۱۸ مه – د افغانستان بانک د ریاست د دفتر د آمر ښاغلي صدیق الله خالد په مشرۍ د افغانستان د بانکونو ټولنې او د سوداګریزو بانکونو له استازو سره د مالي خدمتونو د پراختیا (د ATM. . .

بېرته خبرونه ته