په بانکي سکتور کې د افغانستان بانک یو کلنې لاسته راوړنې

Mpoya
چهارشنبه ۱۴۰۳/۹/۱۴ - ۱۵:۵۳
په بانکي سکتور کې د افغانستان بانک یو کلنې لاسته راوړنې

بانکونه د هېواد په اقتصادي رغښت کې مهم رول لري او کولای شي چې د هېواد اقتصاد په حرکت راولي، د افغانستان بانک ویاړي چې په افغانستان کې بانکي نظام د پرمختګ په لور روان دی.

 د افغانستان بانک توانیدلی دی چې په تېر یو کال کې د بانکي سکتور په برخه کې د پام وړ ګامونه پورته کړي.

اسلامي بانکوالۍ ته پراختیا ورکړل شوې ده، او اوس ټول بانکي معاملات له سود پرته د اسلامي اصولو او مقرراتو په رڼا کې تر سره کېږي.

په سوداګریزو بانکونو کې د خلکو د امانتونو د اېښودلو کچه لوړه شوې او د هېواد په هغو لرې پرتو سیمو کې چې له دې وړاندې هلته بانکي خدمتونه موجود نه وو، نوې نمایندګۍ پرانیستل شوې دي. بانکونو د خلکو لپاره د وړو تمویلاتو ورکړه پیل کړې او عملاً درانه هېوادوال کولای شي له دې خدمتونو څخه ګټه پورته کړي.

د برېښنایي بانکوالۍ د پراختیا په برخه کې هم مؤثر ګامونه پورته شوي دي. اف پی کارت دا مهال فعال دی، دا یو ملي کارت دی چې د ټولو سوداګریزو بانکونو د صرافۍ خپلکاره ماشینونو او پاس ماشینونو کې کار کوي. د دې برخې د پراختیا لپاره هڅې لا هم روانې دي.

د سیستمونو په برخه کې هم ډېر پرمختګ شوی دی، د افغانستان بانک ټول سیستمونه د مالیې د محترم وزارت له سیستمونو سره وصل شوي دي او په دې برخه کې به ډېر ژر د لا ډېرو پرمختګونو شاهدان واوسو.

د افغانستان بانک د هېواد د مرکزي بانک په توګه د نړۍ له ټولو مالي او بانکي بنسټونو سره د غوره اړیکو غوښتونکی دی او دا اړیکې یې په ښه ډول پاللې دي.

وروستي خبرونه

سه‌شنبه ۱۴۰۴/۴/۱۰ - ۱۵:۵۹
Background image

د افغانستان بانک 15 میلیونه امریکايي ډالره لیلاموي

1447 محرم‌ الحرام 5 مه - د افغانستان بانک غواړي چې د 1447 کال د محرم‌ الحرام د میاشتې په 6 نېټه (1404/04/11) د چهار شنبې پر ورځ د داوطلبۍ له لارې د (15) میلیونه امریکايي ډالرو پورې مبلغ. . .

یکشنبه ۱۴۰۴/۴/۸ - ۱۷:۲۸
Background image

د افغانستان بانک د سرپرست رئیس په مشرۍ پلاوی مراکش ته په سفر روان شو

۳ محرم‌ الحرام ۱۴۴۷ هـ ق – د افغانستان بانک سرپرست رئیس، ښاغلی نور احمد آغا، د یو لوړپوړي پلاوي په مشرۍ مراکش هېواد ته په سفر روان شو، څو د اسلامي مالي خدمتونو بورډ (IFSB) په کلنۍ. . .

شنبه ۱۴۰۴/۴/۷ - ۱۵:۲۱
Background image

د افغانستان بانک لومړي مرستیال د افغانستان او امریکا د سوداګرۍ خونې له رئیس سره ولیدل

۱۴۴۷ محرم الحرام ۲ مه - د افغانستان بانک لومړي مرستیال ښاغلي صدیق الله خالد په خپل کاري دفتر کې د افغانستان او امریکا د سوداګرۍ د ګډې خونې رئيس ښاغلي جیفري ګریکو سره ولیدل.

په دې. . .

بېرته خبرونه ته