په ۱۴۰۰ مالي کال په اوږدو کې د افغانستان بانک د اسلامي بانکوالۍ د شریعه بورد لومړۍ غونډه
۱۴۰۰ کال د وري ۲۸ مه – د ۱۴۰۰ مالي کال په اوږدو کې د افغانستان بانک د اسلامي بانکوالۍ د شریعه بورد لومړنۍ غونډه د شریعه بورد د رئیس ښاغلي فضل الرحیم بصیرت او د دې بورد د غړو هر یو ښاغلي ډاکتر نور عباد او پروفیسور محمد اکرام لال الدین په ګډون جوړه شوه.
د غونډې پیل د افغانستان بانک د سرپرست ښاغلي اجمل احمدي په وینا وشو چې په اوږدو کې یې ښاغلي احمدي د دودیزې بانکوالۍ تر څنګ د اسلامي بانکوالۍ پر ارزښت، د اسلامي بانکوالۍ د محصولاتو او خدمتونو پر څرنګوالي او په هېواد کې د اسلامي بانکوالۍ د پراختیا په اړه هر اړخیزې خبرې وکړې.
ورپسې د آجنډا مطابق، په هېواد کې د اسلامي بانکوالۍ د پرمختګ په برخه کې د یو شمېر پالېسیو او کړنلارو، د بانکونو له لوري د اسلامي بانکوالۍ د محصولاتو او خدمتونو په برخه کې د تنوع په رامنځته کولو او د اسلامي بانکوالۍ د لا زیاتې پراختیا او یو شمېر نورو ورته موضوعګانو په اړه د نظرونو تبادله تر سره شوه او په دې اړه لازمې پرېکړې وشوې.
