د آنلاین صرافیو د ممنوعیت په اړه خبرتیا!
په افغانستان کې د آنلاین صرافیو د فعالیت د ممانعت په اړه د افغانستان بانک د مخکینو خبرتیاوو په تعقیب، یو ځل بیا ګرانو هېوادوالو ته خبر ورکول کيږي چې د افغانستان بانک تر اوسه کوم شخص یا شرکت ته د انلاین صرافۍ د فعالیت جواز نه دی ورکړی او دا ډول فعالیتونه غیر قانوني دي.
د افغانستان بانک له درنو هیوادوالو غواړي چې د دې ډول معاملاتو د خطرونو، زیانونو او وروستیو مسؤلیتونو په پام کې نیولو سره له آنلاین صرافیو سره د معاملاتو له تر سره کولو ډډه وکړي.
په ورته وخت کې دا موضوع له کشفي او امنیتي ادارو سره هم شریکه شوې ده، هغه کسان چې په دې ډول معاملاتو کې ښکېل وي نیول کېږي او قانوني چلند ورسره کېږي.
