د افغانستان بانک د پورونو او مالي خدمتونوپه برخو کې د آسانتیاوو پر رامنځته کولو ټینګار وکړ
کابل، د ۱۳۹۸ کال د سلواغې ۲۳ مه – د افغانستان بانک د سرپرست او لومړي مرستیال ښاغلي واحدالله نوشیر په مشرۍ د سوداګریزو بانکونو له لوري خلکو ته د پورونو د ورکړې او د مالي خدمتونو په برخو کې د آسانتیاوو د رامنځته کولو په اړه غونډه جوړه شوه.
په دې غونډه کې د افغانستان بانک سرپرست د پورونو د ورکړې په اړه د لا زیاتو آسانتیاوو او اصلاحاتو په رامنځته کولو ټينګار وکړ او په دې برخه کې د آسانتیاوو رامنځته کول یې د سوداګرۍ په غوړېدو او د هېواد په اقتصادي پرمختګ کې د ارزښت وړ یاد کړل.
په یاده غونډه کې چې د افغانستان بانک دویم مرستیال ښاغلي محمد قسیم رحیمي هم په کې برخه لرلهپه چارو کې د اړوندو ادارو تر منځ په لا زیاتې همغږۍ ټینګار وکړ.
نوموړي وویل چې د افغانستان بانک هڅه کوي چې د خپلو هېوادوالو لپاره د بانکي او مالي خدمتونو په برخو کې پراخې آسانتیاوې او اصلاحات رامنځته کړي.
باید وویل شي چې په یاده غونډه کې د افغانستان بانک یو شمېر آمرینو هم ګډون کړی وو چې د اړوندو موضوعګانو په اړه یې بحث او د نظرونو تبادله تر سره کړه.
