د تش بست خبرتیا
د خپریدو نېټه
د پای نیټه
د دندې عنوان: د افغاانستان د بانکوالۍ او مالي انسټیټیوټ د اړیکو او بازار موندنې مدیر
اداره: د افغانستان د بانکوالۍ او مالي انسټیټیوټ
د پیل نېټه: د ۱۴۴۶ ذوالقعدة الحرام ۱۵
د پای نېټه: د ۱۴۴۶ ذوالقعدة الحرام ۲۷
د ګمارنې ډول: دایمي
دندې او مسئولیتونه:
• د افغانستان د بانکوالۍ او مالي انسټیټیوټ د پروګرامونو د ترویج لپاره د بازار موندنې او اړیکو د یوې هر اړخیزې ستراتیژۍ جوړول او پلي کول؛
• د افغانستان د بانکوالۍ او مالي انسټیټیوټ د معنوي ارزښتونو د رامنځته کولو او ساتلو څارنه او له دې څخه ډاډ ترلاسه کول چې ټولې اړیکې د انسټیټیوټ له موخو او ارزښتونو سره سمون لري؛
• د بېلابېلو کانالونو لکه؛ ټولنیزو رسنیو، وېبپاڼو، خبرپاڼو او خبري بیانیو لپاره د لوړ کیفیت لرونکې منځپانګې جوړول او مدیریت کول؛
•د ډیجیټلي بازار موندنې لکه؛ د ټولنیزو رسنیو کمپاینونو، آنلاین تبلیغاتو او د برېښنالیک له لارې د بازار موندنې رهبري او لارښوونه کول؛
• له رسنیو، دولتي ادارو، نړېوالو بنسټونو او مشتریانو سره د ادارې د رسمي اړیکو مدیریت؛
• د چاپیزو، ډيجیټلي او آنلاین خپرونو (بروشرونو، وېبپاڼو، ټولنیزو شبکو او داسې نورو) مدیریت؛
• د محفلونو، ورکشاپونو، کنفرانسونو او تبلیغاتي چارو ترتیب او تنظیمول؛
• د پروګرامونو له مثبت رسنیز پوښښ څخه د ډاډ ترلاسه کولو لپاره له شریکانو او ګټه اخیستونکو سره اړیکې رامنځته کول او ساتل؛
• د افغانستان د بانکوالۍ او مالي انسټیټیوټ د پروګرامونو، بینرونو، ورکشاپونو او نورو کړنو لپاره د بازار موندنې د کمپاینونو پلان جوړول او پلي کول؛
• د پېریدونکو د اړتیاوو، د صنعت د بهیرونو او د سیالو انسټیټیوټونو د کړنو د درک کولو لپاره د بازار د شننې ترسره کول؛
• د بازار موندنې کمپاینونو د کړنو تعقیب او راپور ورکول، د انسټیټیوټ د راتلونکو ستراتیژیو د جوړولو لپاره د تېرو معلوماتو او تحلیلونو کارول؛
• د ځانګړو او موخه لرونکو مخاطبینو د راجذبولو لپاره د پوهاوي لوړولو او برانډ جوړونې د کمپاینونو پلي کول؛
• د بازار موندنې د بودجې مدیریت او د اعظمي اغېزناکتیا لپاره د سرچینو له اغیزناک تخصیص څخه ډاډ ترلاسه کول؛
• د مستقیم آمر او یا واک لرونکي آمریت لخوا د نورو ورسپارل شوو اړوندو دندو ترسره کول؛
د زده کړې کچه:
د مدیریت، بشري سرچینو، عامه ادارې، عامه پالیسۍ، ادارې او سوداګرۍ، اقتصاد او حقوقو په برخو کې د لیسانس درلودل؛ او په یادو برخو کې د ماسټري سند لرونکو ته لومړیتوب ورکول کېږي.
تجربه:
د ندې اړوند (3) کلنه کاري تجربه
مهارتونه او وړتیاوې:
د هېواد له رسمي او انګلیسي ژبو سره بلدتیا، له کمپیوټري پروګرامونو او بانکي سیستمونو سره بلدتیا، د مدیریتي مهارتونو درلودل، په وینا کې فصاحت او بلاغت، د مکتوبونو، وړاندیزونو او کاري راپورونو د لیکلو وړتیا، د کاري مسوولیتونه درک کول او په کاري ساحو کې د ستونزو پیژندل، له عملیاتي چارو سره بلدتیا او د دندې د محرمیت ساتل.
شخصي صفتونه او ارزښتونه:
رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسوولیت منونکی، تصمیم نیوونکی او په کاري برخه کې مسلکي.
یادونه:
• په شرایطو برابر اشخاص کولای شي چې یاد بست ته د نوم لیکنې په موخه خپلې CV یانې د vacancies@aibf.afبرېښنالیک ته راواستوي.
• د آزموینې د اخیستلو لپاره یوازې له ټاکل شوو غوښتونکو سره اړیکه نیول کېږي.
• د آزموینې نېټه وروسته اعلانیږي.