د تش بست خبرتیا

د دندې عنوان: د افغاانستان د بانکوالۍ او مالي انسټیټیوټ رئیس

اداره: د افغانستان د بانکوالۍ او مالي انسټیټیوټ

د پیل نېټه: د ۱۴۴۶ ذوالقعدة الحرام ۱۵

د پای نېټه: د ۱۴۴۶ ذوالقعدة الحرام ۲۷

د ګمارنې ډول: د تمدید وړ قراردادي

دندې او مسئولیتونه:

• د انسټیټیوټ د بنسټلیک پر بنسټ د عامل پلاوي ریاست او د انسټیټیوټ استازیتوب؛

• د ستراتیژیو او پرمختیایي پلانونو جوړول او پلي کول؛

• د علمي شورا د غونډو ریاست او په سمه توګه د پرېکړو له پلي کولو څخه یې څارنه کول؛

• د انسټیټیوټ د خدمتونو د وړاندې کولو څارنه؛

• د اداري او عملیاتي آمرینو په کړنو او په پروګرامونو او اړیکو باندې څارنه کول؛

• د علمي او څېړنیزو همکاریو تړونونو لاسلیک کول؛

• د کارکوونکو د جذب، ترفیع او انفکاک د کمېټو مشري کول؛

• د اړتیا په صورت کې، د انسټیټیوټ په استازیتوب د بهرنيو کاري سفرونوش ترسره کول؛

• د وړ او مناسبو کارکوونکو ستاینه او تقدیرول؛

• له ملي او نړېوالو علمي مؤسسو سره د اړیکو جوړول او پراختیا؛

• د هېواد د مالي او بانکي سکتور له اړتیاوو سره سم د ښوونیز نصاب پراختیا؛

• د روزنیزو موخو د ترلاسه کولو لپاره د سرچینو له سمې کارونې څخه ډاډ ترلاسه کول؛

• له کورنیو او بهرنیو سازمانونو او اشخاصو څخه د مالي او فني مرستو راجلبلول؛

• د روزنیزو او څېړنیزو چارو د لا ښه والي په موخه د اړینو کړنو ترسره کول؛

• د لنډ مهاله، منځمهاله او اوږد مهاله پروګرامونو د پلانونو تصویبول؛

• د انسټیټیوټ د علمي، هوساینې او روغتیا اړوند اړتیاوو پوره کولو ته پاملرنه کول؛

• د انسټیټیوټ د جواز د تصدیق او پلټنې د پروسې مدیریت کول؛

• د انسټیټیوټ د مالي، حسابدارۍ، شتمنیو او مالونو مدیریت؛

• له نظم او ډسپلین څخه ډاډ ترلاسه کول او د مناسب کاري چاپیریال برابرول؛

• د قراردادي کارکوونکو د ګمارنې اړوند کړنې.

د زده کړې کچه:

د مدیریت، بشري سرچنیو، ادارې او سوداګرۍ، جقوق او یا عامه ادارې په برخو کې د لیسانس سند درلودل او په یادو برخو کې د ماسټرۍ او دوکتورا سند لرونکو ته لومړیتوب ورکول کېږی.

تجربه:

د دندې اړوند (5) کلنه کاري تجربه.

مهارتونه او وړتیاوې:

د هېواد له رسمي او انګلیسي ژبو سره بلدتیا، له کمپیوټري پروګرامونو او بانکي سیستمونو سره بلدتیا، د مدیریتي مهارتونو درلودل، له بانکی قوانینو او مقررو سره بلدتیا، په وینا کې فصاحت او بلاغت، د مکتوبونو، وړاندیزونو او کاري راپورونو د لیکلو وړتیا، د کاري مسوولیتونه درک کول او په کاري ساحو کې د ستونزو پیژندل، له عملیاتي چارو سره بلدتیا او د دندې د محرمیت ساتل.

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسوولیت منونکی، تصمیم نیوونکی او په کاري برخه کې مسلکي.

یادونه:

• په شرایطو برابر اشخاص کولای شي چې یاد بست ته د نوم لیکنې په موخه خپلې CV یانې د vacancies@aibf.af  برېښنالیک ته راواستوي.

•  د آزموینې د اخیستلو لپاره یوازې له ټاکل شوو غوښتونکو سره اړیکه نیول کېږي.

• د آزموینې نېټه وروسته اعلانیږي.