د تش بست خبرتیا

د دندې عنوان: د نړیوالو اړیکو ارشد آفیسر

آمریت: د ریاست د دفتر لوی آمریت

گرېډ: اووم (۷)

د پیل نېټه: ۱۴۴۸ د ربیع الثاني ۱۸

د پای نېټه: ۱۴۴۸ د رجب المرجب ۴

د ګمارنې ډول: دایمي

دندې او مسوولیتونه:

• د مستقیم مدیر سره په موافقه د نړیوالو اړیکو مدیریت له لورې د کاري دستورونو او لارښودونو پلي کول؛

• د افغانستان بانک د عامل پلاوي د غړو او کارکوونکو د رسمي سفرونو په برخه کې د پروتوکول مدیریت سره همغږي؛

• د مستقیم مدیر سره په موافقه د نړیوالو ادارو سره د بلنلیکونو د موضوعاتو تعقیبول؛

• د مستقیم مدیر سره په موافقه د اړوندو څانګو سره د نړیوالو اړیکو په موضوعاتو کې همکاري او همغږي؛

• د نړیوالو اړیکو د مدیر په نشتون کې د مسؤولیتونو او اړوندو کاري چارو اجراء او پرمخ وړل؛

• د مستقیم مدیر په موافقه بهرنیو هېوادونو ته د مناسبتي پیغامونو لیکل؛

• د داخلي مناسبتونو مهالویش چمتو کول او د مستقیم مدیر سره په موافقه یې بهرنیو ادارو ته استول؛

• د نړیوالو او سیمه ایزو سازمانونو اړوند ټولو اسنادو او دوسیو راټولول او تنظیم؛

• د مکتوبونو، وړاندیزونو، استعلامونو او نورو اداري لیکونو لیکل، تعقیب او د دقیقې مراجعې او اقدام په پام کې نیولو سره په ټاکلي وخت د هغوی طی مراحل ترسره کول؛

• په دقیق او منظم ډول د هارډ او سافټ کاپي په بڼه په دوسیو او کارتنونو کې د مکتوبونو، وړاندیزونو، استعلامونو او نورو اداري لیکونو تنظیم او ساتل؛

• د کاري پلانونو ترتیب او واک لرونکو چارواکو ته د کاري راپور وړاندې کول؛

• د نورو هغو دندو او مسوولیتونو ترسره کول چې د کړنلارو، لارښوونو او د لوړو مقاماتو له هدایاتو سره سم د لایحې او مقرراتو له مخې سپارل کېږي.Top of Form

د زده کړې درجه:

• د انګلیسي ادبیاتو، عامه اړیکو، حقوق او ژورنالیزم په برخو کې د لیسانس درلودل.

 تجربه:

• د دندې اړوند (۲) کاله کاري تجربه درلودل.

مهارتونه او وړتیاوې:

• د هیواد د رسمي ژبو او انګلیسي سره بلدتیا

• د مدیریتي مهارتونو درلودل

• په خبرو کې فصاحت او بلاغت

• د کمپیوټري پروګرامونو او بانکي سیستمونو سره بلدتیا

• د بانکي قوانینو او مقرراتو سره بلدتیا

• د کاري مسوولیت پوهه او درک او په کاري ساحه کې د ستونزو پېژندل

• د افغانستان بانک د دندو او موخو څخه پوهاوی

• د مکتوبونو، وړاندیزونو او کاري راپورونو د لیکلو وړتیا درلودل

• د دندې د محرمیت ساتل

شخصي صفتونه او ارزښتونه:

 رښتینی، د نیک چلند خاوند، نوښتګر، ډسپلین لرونکی، دندې او وخت ته پوره پابند، ډله ایز کار ته لېواله، همکار، مسئولیت منونکی، تصمیم نیوونکی او په کاري برخه کې مسلکي.

یادونه:

• درخواست کوونکي کولای شي لومړی په Jobs.dab.gov.af ویب پاڼه کې ځانته یوزر جوړ او بیا د خپلي خوښي بست وټاکي او غوښتل شوي سندونه دې د pdf په بڼه اپلوډ کړي.

• د ازموینې د اخیستلو لپاره یوازې له ټاکل شویو درخواست کوونکو سره اړیکه نیول کېږي.

• د آزموینې نېټه وروسته اعلانیږي.