د تش پُست خبرتیا

د دندې عنوان : د جنرال لیجر مدیر

آمریت: د مالي او محاسبې لوی آمریت

گریډ: اتم (۸) گریډ

د پیل نېټه: ۱۴ربیع الاول ۱۴۴۶          

د پای نېټه: ۲۸ربیع الاول ۱۴۴۶          

د ګمارنې ډول : دایمي

دندې او مسؤلیتونه

• د اړوندو کارکوونکو د کړنو اداره، رهبري، څارنه او کنټرول، د کړنو د ښه والي په موخه د انګیزې رامنځته کول، د کار د اغیزمنتوب زیاتول؛

• د ادارې او تقنینې سندونو لکه کاری کړنلارو، د مالي او محاسبې د لوی آمریت فورمونو، د کارکوونکو د دندو لایحو، پالیسیو، پلانونو، ستراتیژیو، لایحو او مقررو په سمولو، تسویدولو، طرحه کولو او طی مراحلو کې له مستقیم مدیر سره مرسته کول؛

• د کاري بهیر د اسانتیا په موخه له اړوندو برخو سره همغږي او د اړیکو ټینګښت؛

• د مالي او محاسبې لوی آمریت په Charts of Account کې د شته حسابونو ردیف بندي او تنظیم؛  

• له اړوندو برخو سره په همغږۍ او هوکړه د اړتیا وړ حسابونو پرانستل؛

• له اړوندو برخو سره په همغږۍ او هوکړه د ورته ماهیت او ډول لرونکو حسابونو د جوړولو مخنیوی کول؛

• د غیر فعاله حسابونو د بندولو په موخه هر اړخیزه بیا کتنه او څیړنه کول؛

• په حسابونو کې د تعدیلونو تعقیبول او له اړوندو مدیریتونو سره مشوره کول؛

• د عمومي او فرعي حسابونو کتنه او په حسابونو کې د بدلون او تعدیل په اړه اقدام کول؛

• د شعبې له کاري ماهیت سره سم د سندونو د ترتیب او ساتنې په موخه د منظم اداري میکانیزم رامنځته کول؛

• د مالي او محاسبې لوی آمریت د Charts of Account په جوړښت کې د افغانستان بانک اړوند د شته پالیسیو، کړنلارو او ستراتیژیو او د نړېوالې محاسبې د معیارونو پلي کول ؛

• له معیارونو او قانون سره سم په پرله پسې توګه د Charts of Account بیا کتنه او تازه کول؛

• له اړوندو برخو سره په همغږۍ د مالي او محاسبې د لوی آمریت د کړنلارې توحید او تنظیمول؛

• د مالي راپورونو د تریبولو په برخه کې د راپور ورکونې له مدیریت سره هر اړخیزه مرسته کول؛

• له دنني کنټرول څخه څارنه کول او په اړه یې مستقیم مدیر او واک لرونکي آمر ته راپور ورکول؛

• د کاري پلانونو ترتیبول او مستقیم مدیر او واک لرونکي آمر ته د کاري راپور وړاندې کول؛

• د نورو هغو دندو او مسؤلیتونو ترسره کول چې له لایحې او مقررې سره سم د کړنلارو، تګلارو او د لوړ مقام د لارښوونو پر بنسټ ورسپارل کېږي.

د زده کړو درجه (کچه) : لږ تر لږه په اقتصاد، مالي او بانکوالۍ، د سوداګرۍ مدیریت، عامه اداره او محاسبه کې د لیسانس درلودل، ACCA او په پورتنیو برخو کې د ماسترۍ سند لرونکو ته لومړیتوب ورکول کېږي.

تجربه: لږ تر لږه د دندې اړوند درې (۳) کلنه کاري تجربه درلودل.

مهارتونه او وړتیاوې

• د هیواد له رسمي ژبو او انګلیسي سره بلدتیا؛

• د کمپیوټري پروګرامونو په اړه د اړینو مهارتونو درلودل؛

• د محاسبې او بانک له سیستمونو سره بلدتیا؛

• د مدیریتي مهارتونو درلودل ؛

• له بانکي قوانینو او مقررو سره بلدتیا؛

• د ملکي خدمتونو د کارکوونکو له قوانینو سره بلدتیا؛

• په وینا کې فصاحت او بلاغت؛

• د مکتوبونو، وړاندیزونو او کاري راپورونو د لیکلو وړتیا؛

• د کاري مسؤلیت او په کاري ساحه کې د ستونزو پېژندلو د پوهې درلودل؛

• د بانکي عملیاتو له چارو سره بلدتیا؛

• د دندې د محرمیت ساتل؛

شخصي صفتونه او ارزښتونه

شخص باید ريښتینی، د نیک چلند خاوند، د متقابل درناوي درلودونکی، نوښتګر، با ډسپلینه، وخت او دندې ته بشپړ پابند، ډله ایز کار ته لېواله، مسؤلیت منونکی، تصمیم نېوونکی او په کاري برخه کې مسلکي وي.

اشارې:

• مینه وال کولای شي لومړی د Jobs.dab.gov.af   ویب پاڼه کې یوزر جوړ کړي او وروسته د خپلې خوښې پُست وټاکي او غوښتل شوي سندونه د PDF په بڼه آپلوډ کړي.

• د ازموینې د اخیستلو په موخه یوازې له ټاکل شوو غوښتونکو سره اړیکه نېول کیږي.

• د ازموینې نیټه وروسته اعلانیږي.