د جنوب ختیځ زون د صرافیو او پولي خدمتونو  شرکتونو د مسئولینو لپاره ښونیز پروګرام جوړ شو

Mpoya
پنجشنبه ۱۴۰۲/۹/۱۶ - ۱۴:۴۹
د جنوب ختیځ زون د صرافیو او پولي خدمتونو  شرکتونو د مسئولینو لپاره ښونیز پروګرام جوړ شو

د افغانستان بانک د صرافیو او پولي خدمتونو د وړاندې کوونکو شرکتونو د کړنو د ښه والي په موخه د یادو شرکتونو د ۱۱۴ تنو کارکوونکو لپاره ښوونیز پروګرام جوړ شو. دا پروګرام د ۱۴۰۲ لمریز کال د لیندۍ میاشتې په ۶ مه، ۱۲ مه او ۱۳ مه نېټه په جنوب ختیځ زون کې تر سره شو.  په دې زون کې د پکتیا، پکتیکا، خوست او غزني ولایتونه شامل دي.

په دې ښونیزه برنامه کې د پیسو وینځلو او له جرمونو څخه د ترلاسه شوو عوایدو پر وړاندې د مبارزې د قوانینو او مقرراتو د رعایتولو، د پېردودونکو د پېژندنې، د لویو شکمنو نغدي معاملو د راپور ورکونې د څرنګوالي، د بندیزونو د لیست د پلي کولو، د پېرودونکو پر معاملو د څارنې او خطرونو د ارزونې او د هېواد په اقتصاد کې د پیسو وینځلو او له جرمونو څخه د ترلاسه شوو عوایدو د خطرونو او پایلو په تړاو معلومات ورکړل شول.

همدارنګه په دې پروګرام کې د صرافیو او پولي خدمتونو د شرکتونو د ونډه لرونکو، د نظار پلاوي او عامل پلاوي (عملیاتي مسئولینو)، د مالي صورت حسابونو (بیلانس شیټ او د ګټې او زیان صورت حسابونو) د ترتیب د څرنګوالي، د شرکتونو د شتمنیو، پوراینو او پانګې د ثبتولو، د معاملو د ثبتولو لپاره د سیستم کارولو او د یو هراړخیزه سیستم د معیارونو او د پرمخ بېولو ترڅنګ د یادو شرکتونو د مدیریت او اداره کولو په تړاو هم د دې ښونیز پروګرام ګډونوالو ته معلومات ورکړل شول.

باید یادونه وشي چې د صرافیو او پولي خدمتونو د وړاندې کوونکو شرکتونو د مسئولینو لپاره د افغانستان بانک له لوري د دې ډول ښونیزو پروګرامونو لړۍ دوام لري.

وروستي خبرونه

سه‌شنبه ۱۴۰۴/۴/۱۰ - ۱۵:۵۹
Background image

د افغانستان بانک 15 میلیونه امریکايي ډالره لیلاموي

1447 محرم‌ الحرام 5 مه - د افغانستان بانک غواړي چې د 1447 کال د محرم‌ الحرام د میاشتې په 6 نېټه (1404/04/11) د چهار شنبې پر ورځ د داوطلبۍ له لارې د (15) میلیونه امریکايي ډالرو پورې مبلغ. . .

یکشنبه ۱۴۰۴/۴/۸ - ۱۷:۲۸
Background image

د افغانستان بانک د سرپرست رئیس په مشرۍ پلاوی مراکش ته په سفر روان شو

۳ محرم‌ الحرام ۱۴۴۷ هـ ق – د افغانستان بانک سرپرست رئیس، ښاغلی نور احمد آغا، د یو لوړپوړي پلاوي په مشرۍ مراکش هېواد ته په سفر روان شو، څو د اسلامي مالي خدمتونو بورډ (IFSB) په کلنۍ. . .

شنبه ۱۴۰۴/۴/۷ - ۱۵:۲۱
Background image

د افغانستان بانک لومړي مرستیال د افغانستان او امریکا د سوداګرۍ خونې له رئیس سره ولیدل

۱۴۴۷ محرم الحرام ۲ مه - د افغانستان بانک لومړي مرستیال ښاغلي صدیق الله خالد په خپل کاري دفتر کې د افغانستان او امریکا د سوداګرۍ د ګډې خونې رئيس ښاغلي جیفري ګریکو سره ولیدل.

په دې. . .

بېرته خبرونه ته