د دوامداره پراختیایي هدفونویا SDGsپه اړه سمینار جوړ شو
کابل، د ۱۳۹۸ کال د چنګاښ د میاشتې ۲۲ مه – د افغانستان بانک د کنفرانسونو په خونه کې د دوامداره پراختیايي هدفونو يا SDGs په اړه د دې بانک کارکوونکو ته د اقتصاد وزارت د پالیسو د عمومي ریاست له لوري معلوماتي پریزنټیشن وړاندې شو. په دې سمینار کې چې افغانستان بانک د دویم مرستیال ښاغلي محمد قسیم رحیمي یې پرانیسته وکړه، نوموړي د دوامداره پراختیاييهدفونو په ارزښت خبرې وکړې او دا پروګرام یې د افغانستان لپاره ډېر ګټور وباله. ښاغلي رحیمي یادونه وکړه چې که څه هم د دوامداره پراختیاپروګرام د پلي کېدو په وړاندې خنډونه شتون لري، خو په کار ده چې په دې برخه کې د پرمختګ لپاره ګډې هڅې وشي، ترڅو ټاکل شوې موخې په وخت سره تر لاسه شي. د یادونې وړ ده چې د دوامداره پراختیا پروګرام ۱۷ هدفونه لري چې د بېوزلۍ او لوږې له منځه وړل، روغتیا، زدکړو، پاکو اوبو او انرژۍ ته لاسرسی، د جنسيتي مساوات رامنځته کول، اقتصادي پرمختګ او نور په کې شامل دي. ورپسې د اقتصاد وزارت د پالیسۍ د عمومي ریاست مشر ښاغلي نبي سروش د دې پروګرام په اړه د يو معلوماتي پریزنټیشن په وړاندې کولو سره ګډونوالو ته هر اړخیز معلومات ورکړل او یادونه یې وکړه، چې د ادارو تر منځ ګډه همکاري یې موخوته نږدې کولای شي. د نوموړي په خبره، په هېواد کې د دې پروګرام د پلي کېدو لپاره د ستراتيژيک چوکاټ شتون اړین دی، ترڅو وکولای شي د هغې په وسیله دا ډول ملي پروګرامونه په ښه ډول پلي شي. د یادونې وړ ده چې دوامداره پراختیايي هدفونه یا SDGs د ملګرو ملتونو د سازمان ګډ پروګرام دی چې په ۲۰۱۶ میلادي کال کې تصویب شویاو د ۱۵ کلونو په ترڅ کې به پلیشي. پاتې د نه وي چې په دې سمینار کې د اجرائیه ریاست د دوامداره پراختیا پروګرام له پلي کېدو د څارنې د برخې استازي ښاغلي سلیمان عبادي هم ګډون کړی ؤ او د دې پروژو په پلي کېدو او همغږۍ کې یې د افغانستان بانک له همکارۍ مننه وکړه او په دې برخه کې د لا زیاتو همکاريو غوښتونکی شو.
