د کوچنیو او منځنۍ کچې تشبثاتو لپاره د پورونو په برخه کې د لا زیاتو آسانتیاوو رامنځته کولو غونډه

Mpoya
شنبه ۱۴۰۰/۵/۹ - ۱۸:۳۳
د کوچنیو او منځنۍ کچې تشبثاتو لپاره د پورونو په برخه کې د لا زیاتو آسانتیاوو رامنځته کولو غونډه

۱۴۰۰ د زمري ۹ – د افغانستان بانک سرپرست ښاغلي اجمل احمدي د افغانستان د بانکونو ټولنې له مسئولینو سره غونډه وکړه. په دې غونډه کې کوچنیو او منځنیو تشبثاتو ته د پور ورکړې په برخه کې د لا زیاتو آسانتیاوو په رامنځته کولو او یو شمېر نورو بانکي موضوعګانو خبرې شوې او د نظرونو تبادله تر سره شوه.

د دې غونډې په اوږدو کې د افغانستان بانک سرپرست ښاغلي اجمل احمدي د افغانستان د بانکونو د ټولنې له مسئولینو وغوښتل چې د قوانینو او مقرراتو په رڼا کې د خدمتونو او پور ورکړې په برخه کې اړینې آسانتیاوې رامنځته کړي.

د دې غونډې په تعقیب د خونو فدراسیون، کرنې خونې، کسبګرو او هټیوالو خونې او صنایعو خونې له چارواکو سره بله غونډه جوړه شوه. په یاده غونډه کې د افغانستان بانک سرپرست ښاغلي اجمل احمدي د سوداګریزو بانکونو لوري د پور ورکړې په برخه کې د آسانتیاوو پر رامنځته کولو، په په برېښنایي ډول په خوندي او ډاډمنه توګه او په کم وخت کې د اداینو پر تر سره کولو او د فساد په مخنیوي کې یې د هغې پر رول خبرې وکړې، ویې ویل دا آسانتیاوې د کوچنیو او منځنیو تشبثاتو د ودې لپاره زمینه برابروي.

باید وویل شي چې د افغانستان د بانکونو ټولنې مسئولینو په دې برخه کې د غوره خدمتونو د وړاندې کولو ډاډ ورکړ او د خونو فدراسیون، کرنې خونې، د کسبګرو او هټیوالو خونې او صنایعو خونې مسئولینو په اقتصادي برخه په ځانکړې توګه د بانکي سکتور د ودې په برخه کې د ښاغلي اجمل احمدي له هڅو ستاینه وکړه.

وروستي خبرونه

سه‌شنبه ۱۴۰۱/۵/۲۵ - ۱۲:۲۴
Background image

د افغانستان بانک ۱۱ میلیونه امریکايي ډالره لیلاموي

۱۴۴۴ محرم الحرام ۱۸ مه- د افغانستان بانک غواړي چې د ۱۴۴۴ کال د محرم الحرام د میاشتې په ۱۹ نېټه (۱۴۰۱/۰۵/۲۶) د چهارشنبې په ورځ د داوطلبۍ له لارې (۱۱) میلیونه امریکايي ډالره په لیلام ډول. . .

پنجشنبه ۱۴۰۱/۵/۲۰ - ۱۵:۵
Background image

د افغانستان بانک معلوماتو ته لاسرسی د خلکو حق ګڼي او په جدي ډول یې رعایتوي

۱۴۴۴ محرم الحرام ۱۳ مه - د افغانستان بانک چارواکو ملت ته د حکومت د حساب ورکونې پروګرام په دوام کې نن د افغانستان بانک د یو کلن فعالیت او لاسته راوړنو راپور د حکومت د رسنیو په مرکز کې د. . .

سه‌شنبه ۱۴۰۱/۵/۱۸ - ۱۵:۳۸
Background image

د اسنادو د ترتیب او تنظیم په اړه د معلوماتي غونډې جوړېدل

د ختیځ ساحوي زون او د لغمان، کنړ، نورستان او تورخم د نمایندګیو د استازو لپاره د اسنادو د ترتیب او تنظیم په اړه د محرم الحرام د میاشتې پر ۹ مه نېټه د ختیځ زون د مرستیال ښاغلي احمدزي. . .

بېرته خبرونه ته