د ECO Trade and Development Bank د بورډ په ناسته کې د افغانستان بانک د لوی ریاست د سرپرست ګډون
کابل، ۱۳۹۹ مرغومی ۲- د افغانستان د لوی ریاست سرپرست ښاغلي اجمل احمدي د اقتصادي همکاریو سازمان د بانک د مدیره پلاوي په پنځه اتیایمه او شپږ اتیایمه ناسته کې چې په انلاین بڼه جوړه شوې وه، ګډون وکړ.
د دې ناستې په اوږدو کې د دې بانک د ۲۰۲۱ کال بودجه، ستراتیژيک عملیاتي لومړیتوبونه او د غړو هېوادونو عمده اقتصادي شاخصونه او همدا راز د غړو هېوادونو په سوداګریزو کړنو باندې د کرونا ویروس د اغیزو په اړه اندیښنې تر بحث او څېړنې لاندې ونیول شول.
د دې ناستې ګډونوالو پر اقتصادي همکاریو او په ځانګړې توګه د کرونا ویروس له ستر بحران څخه د وتلو پر حالت باندې ټینګار وکړ او په دې برخه کې یې د غړو هېوادونو د ګډې همکارۍ غوښتنه وکړه.
