د کلیو د بیارغونې او پراختیا وزارت د روزونکو لپاره د مالي پوهې په اړه د ورکشاپ جوړول
کابل، د لیندۍ19 مه- د افغانستان بانک د مالي خدمتونو د لاسرسي آمریت د لیندۍ له 17 څخه تر 19 نیټې پورې د کلیو بیارغونې او پراختیا وزارت روزونکو ته د مالي سواد او زده کړو درې ورځنی ورکشاپ په لاره واچوه.
په دې ورکشاپ کې د مالي خدمتونو، مالي موضوعاتو، مالی او بانکي محصولاتو او خدمتونو، مالي مؤسسو او په اقتصادي وده کې د دوی د رول له لارې د اشخاصو، کورنیو او متشبثینو د ژوند په ښه والي کې د مالي پوهې د رول، د مالي مؤسسې او د اړتیا وړ مناسب محصول د ټاکنې پر مهال د مهمو مواردو او د مالي خدمتونو د کارونې د څرنګوالي په اړه بحث وشو او په دې برخه کې ګډونوالو ته لازم معلومات وړاندې شول.
د یادونې وړ ده چې د دې پروګرام په پای کې ګډون والو ته تصدیق پانې هم ووېشل شوې.
