د کندهار ولایت د صرافانو او پولي خدمتونو د وړاندې کوونکو سره غونډه

Mpoya
شنبه ۱۴۰۱/۵/۱۵ - ۱۰:۳۴
د کندهار ولایت د صرافانو او پولي خدمتونو د وړاندې کوونکو سره غونډه

۱۴۴۴، محرم الحرام ۶ مه – د افغانستان بانک د لومړي مرستیال ښاغلي نوراحمد آغا په مشرۍ د کندهار ولایت د صرافانو او پولي خدمتونو له وړاندې کوونکو سره د افغانستان بانک په سویل لویدیځ زون کې غونډه ترسره شوه.

په یاده غونډه کې ښاغلی نوراحمد آغا د صرافانو او پولي خدمتونو د وړاندې کوونکو د سکتور  لپاره د جوړې شوي طرحې پر اړتیا، ارزښت او تطبیق په تفصیل سره خبرې وکړې او یاده طرحه یې د صرافیو او پولي خدمتونو د وړاندې کوونکو د چارو د میکانیزه کولو په برخه کې د ارزښت وړ یاده کړه.

نوموړي یاده طرحه د افغانستان د خلکو، صرافانو د فعالیتونو او د هيواد د مالي سکتور د پیاوړتیا لپاره اړینه وبلله او یادونه یې وکړه چې پدې برخه کې د صرافانو او پولي خدمتونو د وړاندې کوونکو لپاره ډېرې اسانتیاوې په نظر کې نیول شوې دي.

نوموړي له صرافانو او د پولي خدمتونو له وړاندې کوونکو وغوښتل چې د نوې طرحې پر بنسټ د جوازونو د اخیستلو لپاره د افغانستان بانک ته مراجعه وکړي، ترڅو د توظیف شوې کمېټې لخوا یې دفترونه و نه تړل شي.

د یادولو وړ ده چي په دې ناسته کی د غیربانکی مالي موسسو د څارني عمومي آمر ښاغلي احمد ظاهر ناصرزي او د سویل لویدیځ زون آمر ښاغلي ملا عبدالصمد منصوري او د دې زون یو شمېر کارکوونکو هم ګډون کړی وو.

باید وویل شي چې چې تر دې وړاندې په هلمند ولایت کې هم د اړوندې موضوع په اړه د صرافانو او پولي خدمتونو د وړاندې کوونکو سره غونډه تر سره شوې وه او د یادې موضوع په اړه صرافانو او د پولي خدمتونو وړاندې کوونکو ته اړین معلومات ورکړل شوي دي.

وروستي خبرونه

سه‌شنبه ۱۴۰۱/۷/۵ - ۱۵:۵
Background image

ملت ته د حساب ورکولو برنامه کې د افغانستان بانک د غوره کړنو او فعالې ونډې اخیستنې له کبله د افغانستان بانک مشرتابه ته د ستاینلیک ورکړه

۱۴۴۴ ربیع الاول ۱ – د افغانستان بانک سرپرست رئیس ښاغلي عبدالقاهر ( حاجي ادریس) ته ملت ته د حساب ورکولو برنامه کې د افغانستان بانک غوره کړنو او د فعالې ونډې اخیستنې له کبله د ریاست. . .

سه‌شنبه ۱۴۰۱/۷/۵ - ۱۴:۵۰
Background image

په استانبول ښار کې د اسلامي همکاریو سازمان د مرکزي بانکونو فورم د څلورمې غونډې جوړېدل

۱۴۴۴ د صفر المظفر ۲۸ – ۲۹ مه – د روانې سپټمبر میاشتې په ۲۵ او ۲۶ نېټه د ترکیې هېواد په استانبول ښار کې د اسلامي همکاریو سازمان د مرکزي بانکونو فورم چې د نړۍ ۵۷ هېوادونه یې غړیتوب لري. . .

یکشنبه ۱۴۰۱/۷/۳ - ۱۳:۹
Background image

د افغانستان بانک ۱۱ میلیونه امریکايي ډالره لیلاموي

۱۴۴۴ صفرالمظفر ۲۸ مه - د افغانستان بانک غواړي چې د ۱۴۴۴ کال د صفرالمظفر د میاشتې په ۲۹ نېټه (۱۴۰۱/۰۷/۰۴) د دو شنبې په ورځ د داوطلبۍ له لارې (۱۱) میلیونه امریکايي ډالره د لیلام په ډول. . .

بېرته خبرونه ته